Aindrias Moynihan (Cork North West, Fianna Fail)
Link to this: Individually | In context | Oireachtas source

76. To ask the Minister for Education and Skills an bhfuil sé sásta le plean Bhoird Oideachais agus Oiliúna Chorcaí, Thiobraid Árann, agus Chill Chainnigh agus Cheatharlach príomhoifigigh fheidhmiúcháin a fhostú gan riachtanas Gaeilge; an raibh aon teagmháil ag a Roinn leis na Boird; agus an ndéanfaidh sé ráiteas ina thaobh. [49511/18]

Joe McHugh (Donegal, Fine Gael)
Link to this: Individually | In context | Oireachtas source

Is é mo chúram mar Aire agus príomhfheidhm mo Roinne i dtaca leis an gceist seo, ná a chinntiú go gceaptar na daoine cearta do phoist Phríomhfheidhmeannigh ar na Boird Oideachais agus Oiliúna (BOOna) a bhfuil na heochairscileanna agus na hinniúlachtaí acu a theastaíonn chun feidhmiú go héifeachtach agus eagraíochtaí móra coimpléascacha a bhainistiú.

Mar is eol don Teachta, is forais reachtúla iad na BOOna a bhfuil a stádas corparáideach féin acu, a bunaíodh faoi Acht na mBord Oideachais agus Oiliúna 2013, agus tá siad freagrach as réimse d’fheidhmeanna forchoimeádta agus feidhmiúcháin faoin Acht sin.    Is é an Príomhfheidhmeannach atá freagrach as feidhmeanna feidhmiúcháin an bhoird a chur i gcrích agus tá sé freagrach don bhord as comhlíonadh cuí a c(h)uid feidhmeanna. Ta an Príomhfheidhmeannach freagrach as a dheimhniú go n-éiríonn leis an BOO a chuid aidhmeanna agus cuspóirí straitéiseacha a bhaint amach, lena n-áirítear soláthar, ar dhóigh éifeachtúil agus éifeachtach, an iliomad seirbhísí agus gníomhaíochtaí ilchineálacha a bhíonn ag an BOO, de réir dea-chleachtas, agus tá sé freagrach don bhord agus freisin do Choiste na gCuntas Poiblí agus do Choistí eile de chuid an Oireachtais. 

Ní mór d’iarrthóirí do ról an Phríomhfheidhmeannaigh a bheith in ann na hinniúlachtaí seo a leanas a léiriú:

- ceannaireacht straitéiseach, nó ionchur suntasach straitéiseach, ar ghnó nó ar eagraíocht i gceann amháin, nó níos mó, de na hearnálacha seo a leanas – oideachas Bunscoile, Iar-Bhunscoile, Breisoideachas agus Oiliúint nó oideachas Tríú Leibhéal

- taithí shuntasach rialachais, riaracháin agus bainistíocht airgeadais, taithí shuntasach eagraíochtúil ar bhainistiú athruithe ag leibhéil straitéiseacha agus oibríochta araon

- taithí ar fhoirne rathúla nó líonraí dea-fhorbartha a thógáil, a threorú, a spreagadh agus a fhorbairt, laistigh den timpeallacht oideachais, oiliúna agus scileanna agus / nó sa Rialtas nó san earnáil phoiblí go ginearálta

- taithí ar phrionsabail an chomhionannais deiseanna, na hilchineálachta agus na cuimsitheachta a leabú laistigh de bheartais agus de chleachtais eagraíochta

D’fhonn a chinntiú go mbíonn iarrthóirí atá cáilithe mar is cuí ar fáil do ról an Phríomhfheidhmeannaigh, ní mór dóibh a bheith ábalta na hinniúlachtaí thuas a léiriú. B’fhéidir go gcaithfeadh an Príomhfheidhmeannach cuid áirithe dá g(h)nó a dhéanamh trí Ghaeilge mar sin de, is inmhianaithe go mbeadh ardchaighdeán Gaeilge acu ach níl sé riachtanach. Bhí mo Roinn ag plé le Boird Oideachais agus Oiliúna Éireann i dtaca leis an gceist seo.  Is é BOOÉ an eagraíocht a bunaíodh faoi Acht BOO 2013 chun ionadaíocht a dhéanamh ar na BOOna i dteannta a chéile agus aithníonn mo Roinnse amhlaidh é chun na críche sin. 

Is faoin tSeirbhís um Cheapacháin Phoiblí a bheidh sé ar deireadh a shocrú cé hé an duine / na daoine is mó ag a bhfuil na cáilíochtaí cuí acu de réir na gcritéar atá leagtha amach.