Catherine Connolly (Galway West, Independent)
Link to this: Individually | In context | Oireachtas source

77. To ask the Minister for Culture, Heritage and the Gaeltacht de bhun ceist pharlaiminteach uimhir 84 an 20 Meitheamh 2017, cén dul chun cinn atá déanta maidir leis na foirgnimh fholmha agus go háirithe foirgnimh atá fós folamh; agus an ndéanfaidh sí ráiteas ina thaobh. [47906/17]

Joe McHugh (Donegal, Fine Gael)
Link to this: Individually | In context | Oireachtas source

Tá na sonraí a tugadh mar fhreagra ar  an gCeist Dála Uimhir 84  ar 20 Meitheamh 2017, atá luaite ag an Teachta, tógtha suas chun dáta sa tábla thíos. Léirítear dá réir sa tábla, an staid reatha mar a bhaineann leis na foirgnimh ar fad atá i seilbh Údarás na Gaeltachta agus atá folamh faoi láthair. Tuigtear ón Údarás go bhfuil 516 foirgneamh ar fad i seilbh na heagraíochta, go bhfuil 106 díobh folamh i láthair na huaire agus go bhfuil 60% díobh siúd atá folamh réidh le ligean.  

Is fiú a nótáil go bhfuil laghdú de 11 ar an líon foirgneamh atá folamh le beagnach ceithre mhí anuas (ó 20 Meitheamh 2017) – rud a léiríonn go bhfuil dul chun cinn á dhéanamh ag an Údarás chun fostaíocht agus fiontraíocht a chothú tuilleadh agus an stoc foirgnimh atá ina sheilbh á chur chun fónaimh acu chun na críche sin i gcaitheamh an ama.