Peadar Tóibín (Meath West, Sinn Fein)
Link to this: Individually | In context | Oireachtas source

142. To ask the Minister for Health cad é an líon daoine a bhfuil cumas feidhmeach acu sa Ghaeilge agus atá ag obair ina Roinn. [30074/16]

Peadar Tóibín (Meath West, Sinn Fein)
Link to this: Individually | In context | Oireachtas source

143. To ask the Minister for Health an bhfuil sprioc leagtha amach maidir le líon daoine a bhfuil cumas feidhmeach acu sa Ghaeilge a bheith ag obair sa Roinn de réir reachtaíochta agus an bhfuil an sprioc sin bainte amach go fóill. [30089/16]

Peadar Tóibín (Meath West, Sinn Fein)
Link to this: Individually | In context | Oireachtas source

144. To ask the Minister for Health an bhfuil beartas earcaíochta faoi leith i bhfeidhm chun aon chuóta maidir le líon daoine a bhfuil cumas feidhmeach acu sa Ghaeilge, má tá a leithéid ann, a bhaint amach. [30104/16]

Simon Harris (Wicklow, Fine Gael)
Link to this: Individually | In context | Oireachtas source

Molaim Ceisteanna Uimh. 142 go 144, cuimsitheach, a fhreagairt le chéile.

Tá rún daingean ag mo Roinn a chinntiú gur féidir freastal a mhéad is féidir ar chustaiméirí ar mian leo a gcuid gnó a dhéanamh trí mheán na Gaeilge. Ba é 395 dhuine an líon iomlán daoine a bhí ag obair sa Roinn ag deireadh mhí Mheán Fómhair 2016. Den líon sin, tá seachtar ball foirne, nó beagnach 2%, in ann a gcuid dualgas a chur i gcrích sa Ghaeilge agus sa Bhéarla araon. Tugtar freagra sa Ghaeilge ar an gcomhfhreagras ar fad a sheoltar don Roinn sa Ghaeilge agus cuirtear aon cheisteanna teileafóin ar aghaidh chuig duine de na baill foirne atá inniúil sa Ghaeilge.

Ní chuirtear aon cheanglas sa reachtaíocht ar an Roinn sprioc a leagan síos maidir leis an líon ball foirne ar cheart dóibh bheith in ann feidhmiú trí mheán na Gaeilge. Mar sin féin, luaitear sa Scéim Teanga 2015-2018 ón Roinn Sláinte go sainaithneoidh an Roinn aon phoist dá bhfuil inniúlacht sa Ghaeilge ina riachtanas. Shainaithin an Roinn aon phost den sórt sin agus ceapadh ball foirne chuig an ról sin ina dhiaidh sin.

Is é beartas na Roinne leibhéal agus cáilíocht reatha na seirbhíse trí mheán na Gaeilge a choinneáil ar bun.