Peadar Tóibín (Meath West, Sinn Fein)
Link to this: Individually | In context | Oireachtas source

108. To ask the Minister for Public Expenditure and Reform an bhfuil beartas earcaíochta faoi leith i bhfeidhm chun aon chuóta maidir le líon daoine a bhfuil cumas feidhmeach acu sa Ghaeilge, má tá a leithéid ann, a bhaint amach. [30107/16]

Paschal Donohoe (Dublin Central, Fine Gael)
Link to this: Individually | In context | Oireachtas source

Mar is eol don Teachta Dála, sa bhliain 2014, cheadaigh an Rialtas cur chuige nua chun tacú le cumas Gaeilge sa státseirbhís.

Faoin gcur chuige nua seo tá bearta chuireadh i bhfeidhm chun deireadh a chuir leis an bpolasaí maidir le marcanna bónais a bhronnadh as inniúlacht Ghaeilge in earcaíocht agus i gcomórtais d'arduithe céime sa státseirbhís nach raibh dírithe ar na spriocanna teanga atá leagtha amach ag an rialtas.

Faoin gcur chuige nua, tá bearta á dtabhairt isteach chun an cohórt de dhátheangaigh feidhmiúla sa státseirbhís a mhéadú a fhéachann le líon na ndátheangach atá feidhmiúil sa Ghaeilge i leith earcaíochta agus, nuair is cuí, i leith comórtais d'arduithe céime, atá bunaithe ar inniúlacht.

Ó thaobh Pleanála Fórsa Oibre do na Ranna go léir, beidh sé riachtanach go sonrófar i bpleananna fórsa oibre gach Roinn amach anseo na poist/réimsí oibre ina mbeidh dátheangaigh feidhmiúla ag teastáil. I gcomhréir le beartas an Rialtais, aithneofar i scéimeanna teanga de chuid na Roinne amach anseo faoi Acht na dTeangacha Gaeltachta 2012 na poist atá lonnaithe i gceantair Ghaeltachta nó ag freastal ar na ceantair sin.

Beidh an próiseas sin lárnach i gcinntiú go ndéanfar foráil dóthanach i gcomórtais earcaíochta agus arduithe céime idir-Rannacha a bheidh á reáchtáil ag an tSeirbhís um Cheapacháin Phoiblí do cheapacháin i bpoist ina dteastaíonn dátheangaigh feidhmiúla. I gcás comórtais earcaíochta agus arduithe céime Rannacha, déanfar measúnú ar an riachtanas do dhátheangaigh feidhmiúla agus, nuair is gá agus is cuí, cuirfear fo-phainéal de dhátheangaigh feidhmiúla ar bun.

Chuireadh na socrúcháin nua i bhfeidhm in áit an scéim maidir le marcanna bónais a bhronnadh as inniúlacht Ghaeilge, a chuireadh i bhfeidhm daichead bhliain ó shin nuair a chuireadh deireadh le Ghaeilge éigeantach do phost sa Stáit Seirbhís.

Faoi na socraithe seo, nuair atá Gaeilge riachtanach don bpost, líonfar é le dhátheangaigh feidhmiúla.