Peadar Tóibín (Meath West, Sinn Fein)
Link to this: Individually | In context | Oireachtas source

139. To ask the Minister for Education and Skills cé mhéad scoileanna atá ag feidhmiú faoi na pátrúin éagsúla, faoi seach, le cúig bliana anuas. [18323/16]

Peadar Tóibín (Meath West, Sinn Fein)
Link to this: Individually | In context | Oireachtas source

140. To ask the Minister for Education and Skills cad iad na torthaí ar na comórtais uile a bhain le pátrúnacht ar na scoileanna nua uile. [18324/16]

Richard Bruton (Dublin Bay North, Fine Gael)
Link to this: Individually | In context | Oireachtas source

I propose to take Questions Nos. 139 and 140 together.

Faoi láthair tá 4,009 scoil in Éirinn, 3,286 bunscoil ar a n-áirítear 141 scoil speisialta, agus 723 iar-bhunscoil. Tá sonraí faoi na scoileanna seo agus faoin bpátrúnacht atá orthu le fáil ar shuíomh idirlín na Roinne www.education.ie

Mar is eol gan dabht don Teachta, ó 2011 i leith is gnách nach mbunaítear scoileanna nua ach amháin i gceantair a bhfuil fás ag teacht ar an ndéimeagrafach iontu. Chun na críche seo, baineann mo Roinn leas as Córas Faisnéise Geografaí chun na ceantair ar fud na tíre a bhfuil méadú ag teacht ar an mbrú déimeagrafach orthu a shainaithint. Sa chóras seo úsáidtear raon foinsí sonraí chun bearta déimeagrafacha a chur i gcrích ar fud na tíre lena fháil amach cá bhfuil an gá le cóiríocht bhreise scoile ar leibhéal bunscoile agus iarbhunscoile araon.

Ó 2011 i leith, uair ar bith a gcinntear go bhfuil gá le scoil nua chun freastal ar riachtanais dhéimeagrafacha i gceantar, reáchtálann mo Roinn próiseas pátrúnachta ar leithligh chun a chinneadh cé a bheas ag reáchtáil na scoile. Tá cead ag gach pátrún agus pátrún ionchasach iarratas a chur isteach ar phátrúnacht na scoile faoin bpróiseas seo. De réir na gcritéar a úsáidtear i leith pátrúnachta ar scoileanna nua, leagtar béim ar leith ar an éileamh ó na tuismitheoirí ar an iolrachas agus ar an éagsúlacht. Bíonn sainroghanna na dtuismitheoirí i ngach aon cheantar, mar aon le méid na héagsúlachta atá le fáil faoi láthair sa cheantar, mar bhunús ríthábhachtach leis na cinntí maidir le toradh an phróisis. Ina leith seo, ní mór do na pátrúin ionchasacha teimpléad sainroghanna tuismitheoirí a chur faoi bhráid in éineacht lena n-iarratas ina bhfuil iarrtha ar thuismitheoirí a sainrogha a dhearbhú i bhfabhar oideachas a bheith curtha ar a gclann de réir shamhail scoile an phátrúin sin. Osclaíodh 42 scoil nua faoin bpróiseas seo ó 2011 i leith (24 bunscoil agus 18 iar-bhunscoil) agus éiteas il-sainchreidmheach ag 39 díobh (23 bunscoil agus 16 iar-bhunscoil).

Mar eolas don Teachta, tá tábla leis seo ina bhfuil na scoileanna nua a osclaíodh ó 2011 i leith leagtha amach mar aon le sonraí a gcuid pátrún faoi seach.

Bunscoil

Iar-bhunscoil