Michael Kitt (Galway East, Fianna Fail)
Link to this: Individually | In context | Oireachtas source

156. To ask the Minister for Arts, Heritage and the Gaeltacht cén fáth gur cuireadh scéal chuig níos mó ná céad aistritheoir atá ar Phainéal na nAistritheoirí Gaeilge, agus a bhfuil an séala acu, á rá go mbeidh an cháilíocht atá acu mar aistritheoirí, an séala creidiúnaithe, á baint de gach duine a fuair an cháilíocht roimh 2013; cén fáth nach foláir do na haistritheoirí seo an scrúdú a dhéanamh arís agus cén uair a bheidh tuilleadh eolais ar fáil. [5525/15]

Joe McHugh (Donegal North East, Fine Gael)
Link to this: Individually | In context | Oireachtas source

Mar a mhínigh mé i mo fhreagra ar Cheist Uimh 37 ón Teachta ar an 22 Deireadh Fómhair 2014, is ceist oibríochtúil í seo d'Fhoras na Gaeilge. Ní mór dom a threisiú arís nach cáilíocht san aistriúchán atá i gcóras creidiúnaithe Fhoras na Gaeilge ach dearbhú i ndáil le caighdeán oibre an aistritheora.

Tuigim ó Fhoras na Gaeilge gur cuireadh in iúl d’aistritheoirí a raibh an Séala Creidiúnaithe d’Aistritheoirí faighte acu roimh 2013 go rachadh an séala atá acu in éag ag deireadh na bliana 2015 ach go gcuirfí scrúdú athchreidiúnaithe ar fáil dóibh idir an dá linn.

Ag eascairt as plé idir Foras na Gaeilge agus na haistritheoirí, tuigim gur cuireadh ar ceal an scrúdú athchreidiúnaithe a bhí beartaithe do 2014 agus gur lorgaíodh moltaí maidir le bearta a chinnteoidh ardchaighdeáin in earnáil an aistriúcháin sa todhchaí.

Tuigim ó Fhoras na Gaeilge gur reachtáladh cruinniú le hionadaithe de na haistritheoirí agus go bhfuarthas roinnt moltaí ó aistritheoirí aonair agus ó ghrúpa aistritheoirí fosta. Tar éis d'Fhoras na Gaeilge breithniú a dhéanamh ar na moltaí uile, cuirfear moltaí os comhair an bhoird agus táthar ag súil le cinneadh roimh an gCáisc.