Éamon Ó Cuív (Galway West, Fianna Fail)
Link to this: Individually | In context | Oireachtas source

415. To ask the Minister for Agriculture, Food and the Marine cén uair a dhéanfar íocaíocht faoi Scéim na Limistéar faoi Mhíbhuntáiste do 2014 le feirmeoir i gContae na Gaillimhe (sonraí leis seo); cén fáth go bhfuil moill leis an íocaíocht seo; agus an ndéanfaidh sé ráiteas ina thaobh. [41242/14]

Simon Coveney (Cork South Central, Fine Gael)
Link to this: Individually | In context | Oireachtas source

Fuarthas iarratas faoi Scéim na Limistéar faoi Mhíbhuntáiste 2014 ón duine ainmnithe an 7 Bealtaine 2014. Nuair a bhí an t-iarratas próiseáilte tugadh nithe faoi deara a bhain le fíorú a dhéanamh go raibh an t-íosdlús stocála á chomhlíonadh. Faoi Scéim na Limistéar Faoi Mhíbhuntáiste 2014, tá dhá chritéar ann nach mór a shásamh i gcás iarratasóirí atá ag baint leasa as capaill chun an t-íoscheanglas dlúis stocála a chomhlíonadh. Ar dtús, ní mór don ghabháltas a bheith ag teacht leis an sainmhíniú atá ar Fhiontar Pórúcháin Eachaí agus an dara rud, ní mór do chapaill, chun go nglacfaí san áireamh iad do chríocha dlúis stocála, a bheith idir bliain agus cúig bliana agus sa chás go bhfuil níos sine, a bheith ina láir phórúcháin chun críocha na Scéime.

Chuir an duine ainmnithe seacht bpas capall chuig mo Roinn ach, ó tharla nár bhain ceachtar acu le láir phórúcháin a raibh searrach aici sna blianta 2011, 2012 nó 2013, níor comhlíonadh critéir na Scéime. Dá réir sin, níl aon íocaíocht dlite faoi Scéim 2014. Bhí oifigeach ó mo roinn i dteagmháil go díreach leis an duine ainmnithe maidir leis an ábhar seo.