Éamon Ó Cuív (Galway West, Fianna Fail)
Link to this: Individually | In context

Question 182: To ask the Aire Caiteachais Phoiblí agus Athchóirithe an mbeidh cead ag Airí soláthar caipitil nach bhfuil caite i mbliana a thabhairt ar aghaidh go dtí an bhliain seo chugainn; agus má bhíonn, cén soláthar atá ceadaithe do gach Roinn a thabhairt ar aghaidh go dtí an bhliain 2012, na cúiseanna nár caitheadh an soláthar i mbliana i ngach cás; agus an ndéanfaidh sé ráiteas ina thaobh. [39922/11]

Brian Hayes (Dublin South West, Fine Gael)
Link to this: Individually | In context

Sna meastacháin a d'fhoilsigh mo Roinn Dé Luain an cúigiú lá den mhí, tá sonraí de na leithdháiltí caipitil ar aontaigh mé go bhféadfaí iad a thabhairt ar aghaidh go dtí an bhliain seo chugainn – féach an Tábla thíos. Cumadh an córas ilbhliantúil agus an áis um airgead a thabhairt ar aghaidh d'fhonn éifeachtúlacht agus éifeacht Ranna agus gníomhaireachtaí a fheabhsúi maidir le cláir agus tionscadail chaipitiúla a bhainistiú. Laistigh den chóras sin, tá Ranna aonair freagrach as na tionscadail agus na cláir ina réimsí féin. Is féidir breis sonraí i dtaobh an chaiteachais ar thionscadail agus chláir a fháil go díreach ó na Ranna ábhartha.