Brian O'Shea (Waterford, Labour)
Link to this: Individually | In context

Question 357: To ask the Aire Gnóthaí Pobail, Tuaithe agus Gaeltachta cén dul chun cinn atá déanta maidir le cur i bhfeidhm mholtaí an Ráitis ar an nGaeilge ó d'fhoilsigh an Rialtas é ar an 20 Nollaig 2006, an mó cruinniú den Choiste Feidhmiúcháin a bhí ann ó shin; agus an ndéanfaidh sé ráiteas ina thaobh. [26441/07]

Éamon Ó Cuív (Galway West, Fianna Fail)
Link to this: Individually | In context

Mar is eol don Teachta, seoladh Ráiteas an Rialtais i leith na Gaeilge 2006 ag ócáid i dTeach bhFarmleigh anuraidh. Is é an príomh-chinneadh a fógraíodh mar chuid den Ráiteas sin ná go n-ullmhófar Straitéis 20 Bliain don Ghaeilge. Ag cruinniú a bhí agam le Fóram na Gaeilge ar 5 Márta 2007, aontaíodh go mbunófaí fo-choiste den bhFóram a d'fheidhmeodh mar nasc idir an Fóram agus mo Roinnse ó thaobh ullmhú na Straitéise de.

Bhí cruinniú ag an bhfo-choiste i mí na Bealtaine 2007 chun, i measc nithe eile, plé a dhéanamh ar fhostú comhairleoirí chun cuidiú le mo Roinnse an Straitéis a ullmhú. Tá mo Roinn ag plé ó shin leis an bpróiseas — soláthar tairiscintí san áireamh — i ndáil le fostú comhairleoirí dá leithéid. Tá cruinniú eile den bhfo-choiste socraithe i dtaca leis an bpróiseas seo don Aoine seo chugainn, 2 Samhain 2007.

Ní miste dom a lua go bhfuil i gceist go rachfar i gcomhairle leis an bpobal mar dhlúth-chuid den phróiseas chun an Straitéis a ullmhú agus go reachtálfar sraith cruinnithe poiblí i gcodanna éagsúla den tír. Meastar go dtógfaidh sé dhá bhliain nó mar sin sula mbeidh ball críche curtha leis an Straitéis.