Written answers
Thursday, 27 September 2007
Department of Community, Rural and Gaeltacht Affairs
Íocaíochtaí Deontas
5:00 pm
Dinny McGinley (Donegal South West, Fine Gael)
Link to this: Individually | In context
Question 23: To ask the Aire Gnóthaí Pobail, Tuaithe agus Gaeltachta an dtabharfaidh sé cuntas ar na deontais atá ceadaithe ag a Roinn do gach oileán ar chósta Dhún na nGall ó thosach na bliana 2007. [20919/07]
Éamon Ó Cuív (Galway West, Fianna Fail)
Link to this: Individually | In context
Mar is eol don Teachta, tá mo Roinn freagrach as réimse leathan scéimeanna agus deontas. Seo a leanas liosta na ndeontas a ceadaíodh ó thús 2007 go data i gcóir na n-oileán ar chósta Dhún na nGall:
Ainm an Oileáin | Scéim/ Clár | Sonraí | Méid ceadaithe |
€ | |||
Toraigh | Scéim Labhairt na Gaeilge | 14 iarratasóir | 3,640 |
Toraigh | Clár Oileánda 2007 | Bóithre | 100,000 |
Toraigh | Miontograí Oileánda | Deontais bheaga ilghnéitheacha | 6,626 |
Toraigh | Achtanna na dTithe | 6 iarrasatóir | 42,000 |
152,266 | |||
Árainn Mór | Scéim Labhairt na Gaeilge | 47 iarratasóir | 7,670 |
Árainn Mór | Scéim na bhFoghaimeoirí Gaeilge | 21 iarratasóir | 106,239 |
Árainn Mór | Clár Oileánda 2007 | Bóithre | 160,995 |
Árainn Mór | Miontograí Oileánda | Deontais bheaga ilghnéitheacha | 3,013 |
Árainn Mór | Achtanna na dTithe | 15 iarratasóir | 89,210 |
367,127 |
Chomh maith leis sin, cheadaigh mo Roinn deontas de €4,160 d'Ancaire, Comharchumann na nOileán Beag i nDún na nGall, le haghaidh bróisiúir maidir leis na hoileáin sin a chur i gcló.
Anuas air sin, tá deontas bliantúil de €95,000 ceadaithe ag mo Roinn do Chomhdháil Oileáin na hÉireann chun a chur ar chumas na heagraíochta feidhmiú mar ghrúpa ionadaíoch ar son na n-oileán uilig, na cinn i nDún na nGall san áireamh. Ceadaíodh deontais eile don Chomhdháil freisin mar a leanas:
Scéim | Méid | Sonraí |
€ | ||
An Scéim Shóisialta Tuaithe | 12,835 | Riarachán |
An Scéim Shóisialta Tuaithe | 3,000 | Fógraíocht ar an Scéim |
An Scéim Shóisialta Tuaithe | 10,000 | Caiteachas caipitil ar ábhar agus ar threalamh |
Clár LEADER | 458,915 | Riarachán |
Maidir le seirbhísí iompair chuig na hoileáin, tá conarthaí de luach €155,509 agus €169,584 in aghaidh na bliana tugtha amach ag mo Roinn i leith sheirbhísí farantóireachta Thoraigh agus Árann Mhór, faoi seach. Chomh maith leis sin, íoctar thart ar €70,000 in aghaidh na bliana i leith sheirbhís ingearáin doThoraigh.
No comments