Joe Costello (Dublin Central, Labour)
Link to this: Individually | In context

Question 65: To ask the Aire Gnóthaí Pobail, Tuaithe agus Gaeltachta an bhfuil staidéar déanta aige ar an tslí inar scaipeadh na deontais tithíochta idir na Gaeltachtaí i 2005; agus an ndéanfaidh sé ráiteas ina leith. [22759/06]

Éamon Ó Cuív (Galway West, Fianna Fail)
Link to this: Individually | In context

Íocann mo Roinn deontais faoi Achtanna na dTithe (Gaeltacht) le hiarratasóirí cáilithe Gaeltachta nach bhfuil teach maith acu sa Ghaeltacht chun tithe nua a thógáil nó chun obair fheabhsúcháin a dhéanamh ar thithe atá acu cheana féin. Tá sonraí i dTábla I leis seo maidir le hiarratais faoi Achtanna na dTithe (Gaeltacht) 1929-2001 i gcás na gcontaetha Gaeltachta eagsúla i 2005.

Tuigfidh an Teachta go bhfuil líon na n-iarratas ó na contaetha éagsúla ag brath ar an éileamh agus níl aon athrú suntasach le tabhairt faoi deara ar iarratais 2005. Nuair a cheadaíonn mo Roinn deontas, ní íoctar an deontas sin, ar ndóigh, nó go mbíonn an obair déanta.

Mar áis don Teachta, leagtar amach i dTábla II thíos na deontais éagsúla atá ar fáil d'iarratasóirí cáilithe ó mo Roinn faoi Achtanna na dTithe (Gaeltacht).