Dinny McGinley (Donegal South West, Fine Gael)
Link to this: Individually | In context

Question 221: To ask the Aire Oideachais agus Eolaíochta an eol di an obair thábhachtach atá ar siúl ag ionaid oideachais Gaeltachta maidir le teagasc na Gaeilge sna scoileanna Gaeltachta agus Gaelscoileanna, an tábhacht atá le gach tacaíocht a thabhairt dóibh, an bhfuil sé ar intinn aici iad a dhéanamh buan agus lánaimseartha; agus an ndéanfaidh sí ráiteas ina thaobh. [16776/06]

Mary Hanafin (Dún Laoghaire, Fianna Fail)
Link to this: Individually | In context

Déanann an Teachta tagairt do chuid dos na hIonaid Oideachais sa líonra Ionad Oideachais atá suite go straitéiseach ar fud na tíre. Tá 21 Ionad Oideachais ag feidhmiú go lán aimseartha agus 9 gcinn ag feidhmiú ar bhonn páirt-aimseartha. Tá an líonra seo rí-thabhachtach maidir le polasaí mo Roinne i dtaobh fhorbairt ghairmiúil leanúnach a chur ar fáil d'oidí i gcomhthéacs cláracha náisiúnta sa churaclam agus chun freastal ar riachtanais ghairmiúla eile oidí a aimsítear sna cheantracha maguaird.

Cuidíonn an líonra Ionad Oideachais seo le forbairt ghairmiúil oidí tré cláracha inseirbhíse nua a chur ar fáil dóibh san agus don chomhluadar oideachais atá níos leithne. Chomh maith le san, cabhraíonn na hIonaid Oideachais leis na rannpháirtithe uile sa chomthionól oideachais áitiúil an lámh in uachtar a fháil ar dúshláin a thagann leis an athru. Cuireadh go mor freisin leis an gcomhoibriú san oideachas de bhárr na freagrachtaí nua a tugadh dos na hionaid Oideachais faoi théarmaí Acht Oideachais, 1998.

Tá mé sásta gur leor é, an liónra Ionad Oideachais atá ann faoi láthair, chun freastal ar riachtanais ghairmiúla oidí ag an tráth seo agus dár ndoígh beidh an scéal faoi athbhreithniú i gcomhtheacs riachtanais nua a thagann ar an saol.

Brian O'Shea (Waterford, Labour)
Link to this: Individually | In context

Question 224: To ask the Aire Oideachais agus Eolaíochta an nglacann sí leis anois go bhfuil na páirtithe leasmhara reachtúla go léir ar aon fhocal maidir le forbairt Ionad Náisiúnta Oideachais Ghaeilge Bhaile Mhuirne, a ceadaíodh ar dtús i 1999, cathain atá sé i gceist aici na páirtithe seo a thabhairt le chéile chun an cheist a phlé agus chun teacht ar aontú (sonraí tugtha), agus an ndéanfaidh sí ráiteas ina thaobh. [16816/06]

Mary Hanafin (Dún Laoghaire, Fianna Fail)
Link to this: Individually | In context

Tá fhios agam go bhfuil an Chomhairle um Oideachas Gaeltachta agus Gaelscolaíochta sásta tacaíocht a thabhairt don Ionad Náisiúnta Oideachais Gaeilge i mBaile Bhuirne.

Tá ceist an Ionaid á plé faoi láthair leis an Roinn Gnóthaí Pobail Tuaithe agus Gaeltachta agus déanfar cinneadh faoi chomh luath agus is féidir. Sa chomhthéacs sin tá sé ar intinn freisin dul i gcomhairle leis na páirtithe leasmhara.