Seanad debates
Friday, 17 December 2021
Bille na dTeangacha Oifigiúla (Leasú), 2019: Tairiscintí - Official Languages (Amendment) Bill 2019: Motions
10:00 am
Joe O'Reilly (Fine Gael)
Link to this: Individually | In context | Oireachtas source
Scaipeadh an liosta de na leasuithe a rinne an Seanad agus a bhreithnigh an Dáil ar na Comhaltaí mar eolas dóibh. Bhreithnigh an Dáil na leasuithe sin agus ghlac sí leo agus, chomh maith leis sin, rinne sí leasuithe breise de dhroim an Dáil d’aontú le leasuithe Uimh. 6 agus 7 ón Seanad.
Seán Kyne (Fine Gael)
Link to this: Individually | In context | Oireachtas source
Tairgim:
Go n-aontódh an Seanad le leasú Uimh. 1 de dhroim an Dáil d’aontú le leasuithe Uimh. 6 agus 7 ón Seanad.
Jack Chambers (Dublin West, Fianna Fail)
Link to this: Individually | In context | Oireachtas source
Táim an-sásta a bheith ar ais sa Seanad arís chun dá leasú iarmhartacha ar Bhille na dTeangacha Oifigiúla (Leasú), 2019 a chur faoi bhráid an Tí tráthnóna. Pléifidh mé leasuithe iarmhartacha Uimh. 1 agus 2 le chéile toisc gur ar an ábhar céanna iad. Is leasuithe riaracháin atá i gceist sa chás seo. Leis na leasuithe seo, níltear ach ag iarraidh botúin chló sa Bhille mar atá a cheartú. De réir na leasuithe seo a bheith aontaithe ag an Teach, táim ag súil go mbeidh an Bille achtaithe agus sínithe ag Uachtarán na hÉireann an tseachtain seo chugainn. Molaim na leasuithe don Teach.
Seán Kyne (Fine Gael)
Link to this: Individually | In context | Oireachtas source
Tairgim:
Go n-aontódh an Seanad le leasú Uimh. 2 a rinne an Dáil de dhroim an Dáil d’aontú le leasuithe Uimh. 6 agus 7 ón Seanad.
Joe O'Reilly (Fine Gael)
Link to this: Individually | In context | Oireachtas source
Cuirfidh an Cléireach teachtaireacht go dtí Cléireach na Dála ag deimhniú chinneadh an tSeanaid. Bhí gach duine an-chabhrach ina gcomhoibriú. Níl baint aige sin leis na saoirí.