Dinny McGinley (Donegal South West, Fine Gael) | Oireachtas source

Fiú i gColáiste na Trionóide. Bhí mise sa choláiste ansin agus mé i mo bhuachaill óg ag scéalaíocht. Cé a thug cuireadh isteach dom chun sin a dhéanamh ná Máirtín Ó Cadhain, a bhí ina ollamh ansin ag an am. Bhí mé an-óg ag an am agus bhí eagla orm ag dul ann de bharr na aeráide a bhí ann ach cuireadh fearadh na fáilte romham.

Gabhaim buíochas le Seanadóirí, Teachtaí agus gach duine a bhaineann úsáid as an Ghaeilge chomh minic sin agus chomh fonnmhar sin. Is scáthán é, mar a dúirt mé, it is a mirror, ar an méid atá ag dul ar aghaidh ar an taobh amuigh. Is féidir linn bheith iontach diúltach sa tír seo, ag caitheamh anuas faoi rudaí, ach tá amanna gur féidir linn bheith deimhneach agus moltach chomh maith agus is é seo an t-am chun é sin a dhéanamh chomh fada agus a bhaineann sé le labhairt agus le húsáid na Gaeilge.