Tá scéim amháin cheana féin, mar shampla, gur féidir le daoine go bhfuil suim acu sa Ghaeilge agus gur bhreá leo freastal ar an nGaeltacht, saoire a fháil chun é sin a dhéanamh. Ceapaim gur ag Gaeleagras atá sé sin á láimhseáil. Is fiú smaoineamh freisin amach anseo go mbeadh Gaeleagras, agus b'fhéidir daoine eile sásta féachaint air, seans a thabhairt do dhaoine a bheadh ag feidhmiú ins na comhlachtaí chun an phlean a chur i gcrích freastal ar an nGaeltacht, ní chun Gaeilge a fhoghlaim ach chun téarmaíochta agus modh oibre a fhoghlaim trí Ghaeilge maidir le é seo a chur i bhfeidhm. Muna bhfuil cabhair mar seo ar fáil, is cuma cad é an dea-thoil atá ann sa gcomhlacht, beidh deacrachtaí aige.