Conor McGuinness (Waterford, Sinn Fein)

Ní ghlacaim leis an léamh atá ag an Teachta Ó Muineacháin ar an gceist seo. Baineann an ghéarchéim seo le hAire amháin ón DUP san Fheidhmeannas ó Thuaidh atá ag cur srian ar mhaoiniú. Tá gach iarracht á déanamh ag na páirtithe eile san Fheidhmeannas. Mar a thuigeann an Teachta, ní gnáthRialtas é. Ní oibríonn sé sa tslí chéanna a n-oibríonn an comhrialtas sa dlínse seo.

Caithfimid dul i ngleic leis an bhfadhb seo. Tá sé níos measa ar an bhforas mar gheall ar na ciorruithe a tharla thar na blianta, go háirithe le linn na géarchéime eacnamaíche nach mór deich mbliana ó shin. Tá sé seo ag cur isteach ar líonraí, ar bhailte seirbhíse Gaelainne agus ar scéimeanna Gaelainne fud fad an oileáin seo. Caithfidh an Rialtas dul i ngleic leis agus níos mó maoinithe a chur ar fáil sa tslí chéanna ina gcuirtear ar fáil é do na forais chultúrtha eile atá maoinithe ag an Stát, an Chomhairle Ealaíon mar shampla an-láidir.

See this speech in context