Patrick O'Donovan (Limerick County, Fine Gael) | Oireachtas source

Tá a fhios ag an Teachta an méid oibre a rinne mé nuair a bhí mé mar Aire Stáit ag plé leis an ábhar sin. Tá sé an-deacair. Níl aon amhras orainn faoin bpointe sin. Tá sé an-tábhachtach freisin d’Fhoras na Gaeilge go réiteofar an fhadhb seo chomh luath agus is féidir. B’fhéidir go mbeadh seans ag an Teachta buaileadh leis an Aire nua, an Teachta Calleary, agus an t-ábhar sin a phlé. B’fhéidir go mbunófar na coistí go luath agus go mbeidh an Teachta Ó Snodaigh ina chathaoirleach ar an gcoiste Gaelainne agus Gaeltachta arís. Tá an t-ábhar seo an-tábhachtach, ní hamháin don dream atá ag lorg tacaíochta ó Fhoras na Gaeilge ach d’aon duine le suim i gcúrsaí Gaeltachta agus Gaelainne. Tá sé an-tábhachtach domsa freisin an t-ábhar seo a réiteach go luath.

See this speech in context