Catherine Martin (Dublin Rathdown, Green Party) | Oireachtas source

Tá formhór de na foirgnimh folamh ón tréimhse idir 2018 agus 2023 ach tá eisceachtaí ann freisin. Tá foirgnimh ann atá folamh le os cionn deich mbliana. Ní rud neamhghnáth é go mbeadh foirgnimh folmha ag áisíneachtaí forbartha eacnamaíochta leithéidí Údarás na Gaeltachta le punann mhaoine chomh mór is atá ag an údarás. Bíonn comhlachtaí ag teacht agus ag imeacht i gcaitheamh an ama agus go minic bíonn uasgrádú le déanamh ar fhoirgnimh sular féidir iad a chur ar an margadh arís le ligean ar cíos. Ach an oiread le gach eagraíocht Stáit, bíonn ar an údarás oibriú taobh istigh den bhuiséad a thugtar don eagraíocht agus a chuid infheistíochtaí sa phunann mhaoine atá ag an eagraíocht a bhainistiú sa chomhthéacs sin.

See this speech in context