Aengus Ó Snodaigh (Dublin South Central, Sinn Fein) | Oireachtas source

Is cuimhin len a lán daoine scéim labhairt na Gaeilge agus an cheann a bhí ann roimhe seo. Is trua go bhfuair an bord snip réidh leis ag an am.

Seachas ag fáil réidh leis ba chóir go mbeadh dlús curtha leis agus ag déanamh cinnte de go bhfuil aitheantas Stáit ann do cé chomh luachmhar is atá sé don Stát teaghlaigh a mhealladh chun a bpáistí a thógáil le Gaeilge. Sin an fáth go raibh fóram Chois Fharraige dírithe ar an gceist seo. Mar a dúirt an tAire Stáit, chuir sé na moltaí faoina bhráid agus faoi bhráid Chomhchoiste na Gaeilge, na Gaeltachta agus Phobal Labhartha na Gaeilge agus os comhair na Ranna. An rud atá i gceist anois ná cén uair a bhfeicfimid gníomh de réir na moltaí a bhí sa tuarascáil sin? Caithfidh gníomh tarlú agus beidh costas i gceist. An bhfuil an tAire Stáit cinnte go mbeadh an tAire Airgeadais sásta cuidiú leis sna moltaí a bhfuil tús curtha leo a chur le chéile?

See this speech in context