Aindrias Moynihan (Cork North West, Fianna Fail) | Oireachtas source

Tá gá leis an straitéis seo. Tá sé an-tábhachtach agus is cinnte go bhfuil céimeanna dearfacha á dtógáil do na scoileanna Gaeltachta, mar a luaigh an tAire, mar aon le céimeanna éagsúla eile laistigh den chóras ach feidhmíonn na céimeanna seo mar chuid den straitéis ina iomláine. Tá sé fíorthábhachtach go mbeadh straitéis iomlán ann don tslí go léir ón réamhoideachas tríd na bunscoileanna agus meánscoileanna agus ar aghaidh chuig an tríú leibhéal. Cloisim go bhfuil roinnt taighde déanta ag an Roinn ach tá sé seo ar siúl le tamall anois. An féidir é a bhrostú ar aghaidh? Cén dul chun cinn atá a dhéanamh? Tá sé fíorthábhachtach go mbeadh straitéis iomlán ann i gcomhair an chórais oideachais ar fad, is é sin, i gcomhair daltaí agus iad ag teacht tríd an tslí go léir ón réamhoideachas go dtí go gcríochnaíonn siad a gcuid oideachais. Caithfidh straitéis mar sin a chur i gcrích. An bhfuil aon amchlár nó sprioc-am ag an Aire chun é sin a bhrú ar aghaidh?

See this speech in context