Aengus Ó Snodaigh (Dublin South Central, Sinn Fein) | Oireachtas source

Tá sé go maith go bhfuil ar a laghad dáta nua eile againn maidir leis an bhfoilseachán seo agus go mbeidh sé os comhair an phobail, tá súil againn, i mí Feabhra. Táimid ar fad ag fanacht le tamall maith blianta anois go mbeadh obair déanta maidir le stáisiún raidió nó bealaí difriúla chun díriú isteach ar an éileamh i measc an aosa óig maidir le réimsí difriúla d’ábhair agus bealaí difriúla chun ábhair a chur ar fáil dóibh. Tá súil agam nach mbeidh aon mhoill nuair a fhoilseofar é seo agus nach mbeidh Coimisiún na Meán nó aon duine eile ag cur moille ar déanamh cinnte de go mbeidh na réimsí seo ar fáil chomh tapa agus is féidir, sula gcaillimid glúin eile de dhaoine óga mar nach bhfuilimid ag cur seirbhísí craolacháin atá oiriúnach agus i nGaeilge ar fáil dóibh.

See this speech in context