Jack Chambers (Dublin West, Fianna Fail) | Oireachtas source

Tá i gceist agam tús feidhme a chur le roinnt de na forálacha luath sa bhliain nua agus an fuílleach a thosú amach sa bhliain tar éis dul trí próisis chomhairliúcháin atá leagtha síos san Acht agus treoirlínte cuí a bheith dréachtaithe.

Maidir leis an gCoiste Comhairleach um Sheirbhísí Gaeilge, tháinig an coiste le chéile trí huaire go dtí seo - ar an Aoine, 25 Iúil 2022, ar an Aoine, an 26 Lúnasa, agus ar an Aoine, an 28 Deireadh Fómhair. Déantar miontuairiscí a thógáil ag cruinnithe an choiste agus tá fáil orthu ar shuíomh gréasáin mo Roinne faoin leathanach tiomnaithe don choiste comhairleach agus a chuid oibre. Tá beartaithe go dtiocfaidh an coiste le chéile arís ar an Aoine, an 25 Samhain, agus i lár mhí na Nollag chomh maith. Mar a dúirt mé, tá sceideal leagtha amach ag oifigigh mo Roinne agus táimid ag obair chun na forálacha a chur i gcríoch.

See this speech in context