Aengus Ó Snodaigh (Dublin South Central, Sinn Fein) | Oireachtas source

Baineann an cheist seo leis an tuairisc ó mo choiste féin, an Comhchoiste Oireachtais na Gaeilge, na Gaeltachta agus Phobal Labhartha na Gaeilge, dar teideal Todhchaí na gColáistí Samhraidh agus an Tacaíocht atá á hIarraidh ina Leith. Seoladh an tuairisc seo chuig gach uile Comhalta an tseachtain seo caite. Tamall de sheachtainí ó shin, sheol muid na moltaí chuig an Aire, chuig an Aire Airgeadais agus chuig an Aire Stáit, an Teachta Chambers, chun cinnte a dhéanamh go raibh siad ar an eolas faoi na moltaí ionas go mbeidh siad curtha san áireamh sa bhuiséad. Tá súil agam go mbeidh an tAire Stáit ábalta freagra a thabhairt dom ar an gceist seo.

See this speech in context