Dáil debates
Thursday, 1 October 2020
Ceisteanna ar Sonraíodh Uain Dóibh - Priority Questions
Maoiniú Chraoltóirí Seirbhíse Poiblí
10:40 am
Aengus Ó Snodaigh (Dublin South Central, Sinn Fein) | Oireachtas source
Tá sé thíos €1.9 milliún i mbliana díreach de thoradh Covid-19. Seachas sin, tá bearna mhór ann ó thaobh an maoiniú a chóir a bheith aige agus an maoiniú a shocraigh sé in aontú leis an BAI chun cinntiú go leanfadh sé ar aghaidh agus go bhfuil plean straitéiseach ann. Tá €4.1 milliún i gceist i mbliana. Táim ag impí ar an Aire, ní amháin an €1.9 milliún a lorg ón Aire Airgeadais, ach díriú chomh maith ar an airgead atá de dhíth ag TG4 chun maireachtáil amach anseo. Mar a dúirt mé, tá breis agus €4 milliún ag teastáil uaidh i mbliana.
No comments