Jack Chambers (Dublin West, Fianna Fail) | Oireachtas source

Tá ceist eile ag an Teachta faoin ábhar seo a bheidh mé ag freagairt níos déanaí. Tuigim go bhfuil deacrachtaí agus dúshláin romham agus teastaíonn uaim aghaidh a thabhairt orthu. Tugtar aitheantas sa chlár Rialtais do thábhacht na Gaeilge mar theanga bheo agus cuid luachmhar dár n-oidhreacht agus dá stádas mar chéad teanga oifigiúil an Stáit i mBunreacht na hÉireann.

Maidir leis an bpróiseas pleanála teanga, tá 18 plean ceadaithe sa Ghaeltacht cheana féin agus tá sé beartaithe go mbeidh ocht gcinn eile ceadaithe taobh istigh de dhá bhliain. Ar ndóigh, is ceist í cúrsaí pleanála don Roinn Tithíochta, Pleanála agus Rialtais Áitiúil. Is tríd an bpróiseas Meastacháin a chuirtear soláthar airgid ar fáil ar bhun bliantúil do mo Roinn agus, ar ndóigh, do na Ranna go léir.

Beidh ceist eile ag an Teachta faoin Ghaeltacht níos déanaí agus beidh freagra agam air sin freisin.

See this speech in context