Éamon Ó Cuív (Galway West, Fianna Fail) | Oireachtas source

Mar is eol don Aire Stáit, tá laghdú €4.47 milliún ar an airgead a bheidh ar fáil aige an bhliain seo chugainn. Tá ráiteas soiléir sa chomhaontú muiníne agus soláthair idir Fianna Fáil agus Fine Gael agus, chomh maith leis sin, i gclár an Rialtais go mbeidh airgead breise ar fáil do chúrsaí Gaeilge. Clúdaíonn sé sin cúrsaí Gaeltachta. An bhféadfadh an tAire Stáit a mhíniú cén chaoi ar tharla sé nach méadú a bheidh i gceist an bhliain seo chugainn ach laghdú atá thar a bheith suntasach?

See this speech in context