Dáil debates
Wednesday, 11 March 2015
Ceisteanna - Questions - Priority Questions
Straitéis 20 Bliain don Ghaeilge
9:30 am
Joe McHugh (Donegal North East, Fine Gael) | Oireachtas source
I gcomhréir leis an ngealltanas a tugadh i gclár an Rialtais, rinne mo Roinn athbhreithniú ar Acht na dTeangacha Oifigiúla 2003. Ag eascairt as an athbhreithniú sin, thóg an Rialtas cinneadh anuraidh Bille a dhréachtú chun leasuithe a dhéanamh ar an Acht Teanga. Is í an phríomhaidhm atá ag an mBille seo ná an tAcht a leasú chun a chinntiú go leanfaidh sé de bheith ina thacaíocht éifeachtach do gach duine ar mian leis nó léi seirbhísí d’ardchaighdeán i nGaeilge a fháil ón Stát. Tá Ceannteidil an Bhille foilsithe ar shuíomh gréasáin mo Roinne, www.ahg.gov.ie.
I gcomhréir le polasaí an Rialtais, cuireadh ceannteidil an Bhille faoi bhráid an Chomhchoiste um Chomhshaol, Chultúr agus an Ghaeltacht. Bhí éisteachtaí ag an bhFochoiste um an Straitéis 20 Bliain don Ghaeilge maidir leis na ceannteidil i mí na Bealtaine seo caite. Foilsíodh tuarascáil an chomhchoiste maidir leis na ceannteidil ar an 24 Feabhra agus tá na moltaí atá inti á meas agam faoi láthair.
No comments