Joe McHugh (Donegal North East, Fine Gael) | Oireachtas source

Maidir leis na hirisí, is é an t-eolas a bhí agamsa ná go raibh éileamh ann ach nuair a chas mé leis na daoine atá freagrach ag An tUltach, scéal difriúil a bhí acu dom. Dúirt siad liomsa i lár an tsamhraidh nach bhfuil mórán éilimh ann. Mar a dúirt mé ag an tús, tá stair fada ag baint le gach ceann de na 19 eagraíocht atá ag fáil maoiniú. Ba mhaith liom a rá arís go mbeidh mé i dteagmháil le Foras na Gaeilge. Tá fhios agam go bhfuil An tUltach, mar shampla, ag lorg €8,000 sa bhliain. Is airgead mór é €8,000 ach sin an méid atá á lorg ag an dream seo don iris. Arís, beidh mé i dteagmháil le Foras na Gaeilge agus leis an Teachta fosta.

See this speech in context