Éamon Ó Cuív (Galway West, Fianna Fail)

Ní aontaíonn muid ar chor ar bith leis an gcaoi ina bhfuil sé seo leagtha amach. Ní bheidh deis ag an Aire Stáit aon leasuithe a ghlacadh. Is é seo an Bille is tábhachtaí maidir leis an nGaeilge agus leis an nGaeltacht a tháinig os comhair an Tí ó tháinig an Rialtas seo i gcumhacht. Is píosa mór reachtaíochta é. Tá nach mór 150 leasuithe molta ag an bhFreasúra. Níl sé i gceist ag an Rialtas aon leasú a chur chun cinn. Nuair a tháinig an Rialtas i gcumhacht, dúradh go mbeadh inchur ag an Oireachtas ó thaobh na reachtaíochta de. Tá siad imithe siar go hiomlán ar sin. Táimid ag cur in aghaidh an rún seo go láidir.

See this speech in context