Dáil debates
Thursday, 21 July 2011
Acht na dTeangacha Oifigiúla
6:00 pm
Dinny McGinley (Donegal South West, Fine Gael)
Aontaím leis na dualgais atá ar gach comhlacht Stáit de bharr Acht na dTeangacha Oifigiúla, go mbeadh orthu tuarascálacha a chur ar fáil sa dá theanga agus tá mé cinnte go dtabharfaidh na heagrais a luaigh an Coimisinéir aird ar an mholadh a bhí go bhfuil easnamh ansin. Tá mé cinnte go dtarlóidh sin.
Ní shílim go gcuirfidh an leasú ar an Bhille seo isteach ar an Acht nó go sáraíonn sé an tAcht agus nuair a thiocfaidh an leagan crua amach, tiocfaidh sé amach i nGaeilge agus i mBéarla. Ar an drochuair, tá deacrachtaí ann - tá moill i gceist. Dá mbeadh gach rud foirfe, thiocfaidís amach le chéile ach déanann seo a rud sealadach le bearna a líonadh go dtí go dtiocfadh an leagan crua amach sa dá theanga.
No comments