Éamon Ó Cuív (Galway West, Fianna Fail)

Níl aon chinneadh déanta fós maidir le maoiniú na scéime seo i 2010. Déanfar airgeadú na scéime a mheas i gcomhthéacs na Cáinaisnéise agus i gcomhthéacs na hoibre atá idir lámha ag an gCoiste Rialtais don Ghaeilge agus don Ghaeltacht i ndáil leis an Straitéis 20 Bliain don Ghaeilge.

Mar is eol don Teachta, tá ráite agam go minic go bhfuil Scéim na bhFoghlaimeoirí Gaeilge ar cheann de na scéimeanna is fearr a fheidhmíonn mo Roinnse ó thaobh láidriú agus cur chun cinn na Gaeilge de. Is léir go bhfuil beocht ar leith le hearnáil na gcoláistí Gaeilge le blianta beaga anuas, le breis agus 27,440 duine ag freastal ar chúrsaí i 2009. Bheinn an-dóchasach go mbeidh ar chumas na gcoláistí deimhin a dhéanamh de go leanfaidh an scéal amhlaidh sna blianta amach romhainn.

See this speech in context