Brian O'Shea (Waterford, Labour)

Ba mhaith liom mo bhuíochas a ghábháil leis an tAire as ucht an freagra sin a thabhairt dom. Tháinig Acht na dTeangacha Oifigiúla i bhfeidhm i mí Iúil 2003. Níl glactha ach le 79 scéim ag an nóiméad. Glacaim leis go bhfuil 141 comhlacht poiblí i gceist. Nach bhfuil na figiúirí sin suarach, agus trí bliana imithe? Mar a dúirt an tAire ag an gcomhchoiste an lá deireanach, scríobh sé chuig 600 comhlacht maidir leis na dréachtrialacháin faoi alt 9 d'Acht na dTeangacha Oifigiúla 2003 ach ní bhfuair sé freagra ach as 20 dóibh. An bhfuil na comhlachtaí éagsúla neamhshuimiúil san Acht? An bhfuil siad ag iarraidh éalú óna ndualgais ó thaobh dréachtscéim, a nglacfaí ag an Roinn, a thíolacadh?

See this speech in context