Éamon Ó Cuív (Galway West, Fianna Fail)

Níl na hainmneacha sin ná comharthí bóthar clúdaithe sna dréacht rialacháin. An feidhm atá ag mo Roinn maidir le comharthaí bóthar ná an méad atá san Acht teanga maidir le comharthaí bóthar d'áiteanna sa Ghaeltacht agus gur muid a leagann síos an leagan údarásach Gaeilge. Tagaim go mór leis an Teachta, is mór an náire chomh leisciúil, mí-chúramach agus atá comhairlí áitiúla maidir le comharthaí bóthar. Tá comhartha fé leith i mo chontae fhéin, Baile Cháir na Gaillimhe atá air, tá "h" in ionad "l", agus is é an dearcadh atá ann ná, is cuma faoi. Bhí mé ag caint le fear as Contae Mhuigheo aréir, Seán Ó hÉallaithe, agus dúirt sé liom go bhfuil samplaí dochreidte feicthe aige, agus leaganacha difriúla feicthe ar trí nó ceithre comharthaí i bhfoisceacht cúpla míle. Cuirtear rud ar bith ar na comharthaí, ach tagann na cúrsaí sin faoin Roinn Iompair. Ní féidir liomsa ach na leaganacha oifigiúla a chur ar fáil agus súil a bheith agam gur sin a chuirfear ar na comharthaí bóthar.

See this speech in context