Brian O'Shea (Waterford, Labour)

Nach n-aontaíonn an tAire liom gur cuireadh an staidéar seo ar bun chun éalú ón gcúram aistriú a dhéanamh ar na limistéir oifigiúla Gaeltachta le linn shaol an Rialtais seo? Nach bhfuil a fhios aige go bhfuil sé bhunscoil Ghaeltachta ina dháilcheantar féin nach bhfuil ag múineadh go hiomlán trí Ghaeilge? Nach raibh an dóthain ama aige go dtí seo agus dóthain eolais le fáil aige sa Roinn chun tabhairt faoi na fadhbanna atá ag baint leis an nGaolainn sa Ghaeltacht? Nach cleas é seo chun éalú ó thabhairt faoi fhadhbanna a bhaineann leis na limistéir Ghaeltachta ina dháilcheantar féin?

See this speech in context