Mr. Miche?l Mac Aoidh:

Chun cur leis an méid a dúirt Victor Bayda, tá géarghá le chomhtháthú agus chomhordú ar an bpróiseas seo uilig. Níl muid ag obair ar ár gceirtlín féin agus is é an t-aon fáth go mbíonn muid ag obair le chéile ná gur iad na hoifigigh pleanála teanga a chruthaigh na gréasáin. Is muid a chothaigh scáth-eagraíocht ionas go mbeadh muid ag chomhordú agus ag comhoibriú lena chéile. Tá géarghá, ag leibhéal níos airde ná muid, go ndéanfar chomhtháthú ar an bpróiseas le go mbeadh muid uilig ag obair le chéile. Tá easnamh ann ó thaobh chomhordaithe. Tá muid cineál ag obair as ár stuaim féin gan tacaíocht nó gan aon treoir ag teacht ó leibhéal níos airde.