Seán Kyne (Fine Gael)
Link to this: Individually | In context | Oireachtas source

Cloistear na rudaí sin ó thaobh na hÚcránaigh a tháinig isteach in áiteanna freisin, go bhfuil siad ag foghlaim Gaeilge ag an mbunleibhéil agus ag súgradh agus ag spraoi trí mheán na Gaeilge leis na páistí eile. Is deas é sin a fheiceáil agus a chloisint. Tá sé sin tábhachtach. Is léir go bhfuil an deis sin ann do chuile páiste. Dá mbeadh na deiseanna céanna ag páistí Éireannacha chuile áit sa tír, bheadh siad in ann Gaeilge a fhoghlaim i scoileanna beaga le múinteoirí a bheadh sásta chuile ábhar a mhúineadh trí Ghaeilge dá mbeadh sé ar a gcumas. Tá a lán le plé agus a lán le déanamh ar an ábhar seo.