Mr. Stiof?n Seoighe:

Ba iad na deich bplean a bhí i gceist ná na chéad deich bplean a faomhadh de réir an amscála ach bhí deis ag na hoifigigh phleanála teanga agus ionadaithe ó chuid de na coistí nach raibh san áireamh sna deich bplean sin. Bhí comhthionól againn i mBéal Feirste mí Dheireadh Fómhair seo caite agus bhí Micheál Ó Duibh é féin i láthair. Ní raibh sé ach ag tús a phróiseas ag an bpointe sin. Bhí sé tar éis labhairt le cúpla coiste. I gcead dó, bhí deis ag na coistí agus na hoifigigh phleanála teanga eile nach raibh san áireamh sna deich bplean sin ár dtuairimí agus smaointe a chur ar aghaidh chuige le cur san áireamh. Ní raibh muid ar an eolas faoi sin go dtí gur labhair muid leis. Ní raibh a fhios againn go mbeadh an deis sin againn ach mhínigh sé dúinn go raibh fáilte romhainn smaointe agus moltaí a chur aige ag an bpointe sin.