Mr. Dualta Ó Broin:

Is sampla an-mhaith de sin ná an tslí ina n-oibrigh an Rialtas, tríd an HSE, chun an t-ábhar a chur amach chun a chinntiú go raibh na fíricí ar fáil. D'oibríomar leis an HSE chun a chinntiú go rabhamar ag tabhairt tacaíochta don eolas sin. Chomh maith leis sin, bhí lárionad Covid againn ar na hardáin. Má chuir tú isteach téarma a bhain le Covid, lena bheith ag ól bleach nó le rud éigin mar sin, tháinig tú chuig an leathanach Covid ar a raibh an t-eolas cruinn ar fáil duit. Is é sin an tríú cuid. Is féidir roinnt den stuif a bhaint, fainic a chur ar dhaoine agus an teacht atá ag daoine ar an eolas sin a chasadh síos. Tá sé an-tábhachtach daoine a nascadh le heolas cruinn.