Mr. Miche?l ? h?anaigh:

Tá dea-thoil ann ach ag deireadh an lae, má tá daoine ag iarraidh iad féin a chur cinn i dtoghchán, tá sé an-deacair a rá leo nach féidir. Níl a fhios agam ar rud é sin a tharlaíonn taobh istigh do pháirtí go mbíonn na cuótaí acu. I dtaobh an phointe a rinne an Teachta faoi vóta a bheith ag daoine, sílim go mbeadh sé thar a bheith deacair vóta a choinneáil ó dhuine ar bith atá ina chónaí sa Ghaeltacht, mar shaoránach. Níl aon dabht faoi ach go bhfuil fadhb mhór ansin. Ní hé go bhfuil suim ag daoine i gcathair na Gaillimhe in aon rud maidir leis seo, ach beidh sé thar a bheith deacair coinneáil leis sin. Táimid i lár phróiseas pleanála teanga. Tugadh cuireadh do chuile ceantar a bheith páirteach ansin agus le linn na tréimhse seacht mbliana sin, tá chuile cheantar Gaeltachta ansin, fiú an dá cheann i nGaillimh, tar éis plean a chur le chéile. Bheadh sé aisteach dá dtosóimis ag rá leo, ar bhealach amháin, a theacht ag an doras linn, ach ag iarraidh a bheith ag dúnadh an dorais ar bhealach eile.