Mr. Julian de Sp?inn:

An t-aon rud sa bhreis a dhéarfainn faoin fáth nach mbeadh dhá phost ag duine ó thaobh bheith mar ionadaí ná go bhfuil dóthain daoine amuigh ansin chun teacht ar na daoine a bheadh in ann seasamh do bhord an údaráis. Ag amanna den bhliain, is cuma cén dea-thoil atá ann do dhuine, tharlódh sé go mbeadh rudaí ag teacht chun cinn sa chomhairle agus san údarás ag an am céanna. Ag braith ar cén saghas oibre nó cén saghas ruda a bhí ag dul ar aghaidh, nó fiú rud éigin ina saol pearsanta a chiallódh nach bhféadfaidís an t-am a chur ar leataobh don rud eile, bheadh orthu tosaíocht a roghnú idir an dá rud. Dhéanfadh sé ciall, níos mó ná aon rud eile, go mbeadh an duine ag díriú ar rud amháin mar go bhfuil dóthain daoine ann. Is rud é sin b’fhéidir nár luadh níos luaithe.