Mr. Julian de Sp?inn:

Déanfaidh mé pointe an-tapa air sin agus an méid a bhí á rá ag Donncha Ó hÉallaithe ansin maidir leis an daonáireamh. Cuireadh moladh chun cinn do dhaonáireamh 2022 go mbeadh ceist ann faoin teanga atá in úsáid sa teaghlach chomh maith ach dhiúltaigh siad é a chur san áireamh. Cé go raibh sé mar thriail roimh ré, dhiúltaigh siad é a chur san áireamh sa leagan deireanach den daonáireamh. Tá Tuismitheoirí na Gaeltachta go háirithe tar éis moladh eile a chur ar aghaidh don chéad daonáireamh eile. Aon rud go bhféadfadh an coiste seo déanamh chun cabhrú leis an moladh sin a chur chun cinn leis an bPríomh-Oifig Staidrimh, bheadh sé cabhrach. Chuirfeadh sé sin leis an eolas a thagann ón daonáireamh, cé go bhfuil sé deonach nuair a bhíonn daoine á chomhlíonadh. Thabharfadh sé breis eolais dúinn.