Catherine Martin (Dublin Rathdown, Green Party)
Link to this: Individually | In context | Oireachtas source

Rinne Coimisiún um Thodhchaí na Meán moltaí anuraidh mar gheall ar RTÉ agus TG4. Rinne an taskforce sin scrúdú ar an dá sheirbhís agus ghlac an Rialtas i bprionsabal le 49 moladh as 50. Rinne siad scrúdú ar an dá chainéal, RTÉ agus TG4, agus ghlac an Rialtas leis seo. Tá sé sin déanta. Tá airgead á bhronnadh agam freisin sa scéim fuaim agus físe don na meán araon. Mhol Coimisiún um Thodhchaí na Meán go ndéanfaí an leibhéil maoinithe seo do chláir Ghaeilge a choinneáil ar a laghad, nó a mhéadú más féidir. Aontaím leis an moladh seo agus tá a fhios agam go bhfuil Coimisiún na Meán tiomanta do leibhéil tacaíochta a choinneáil agus maoiniú a mhéadú más féidir. Trí mhaoiniú bhreise ón státchiste a chuir mé ar fáil don scéim fuaime agus físe, osclaíodh babhta coimisiúnaithe tiomnaithe don Ghaeilge anuraidh, rud atá an-thábhachtach, le leithdháileadh maoinithe beagnach €2 mhilliún chun tacú le 15 tionscadal nua raidió agus teilifíse i nGaeilge. Freagra díreach atá ar cheist an Teachta ná go ndearna Coimisiún um Thodhchaí na Meán scrúdú ar RTÉ agus ar TG4 agus ghlac an Rialtas lena mholtaí.