Oireachtas Joint and Select Committees
Thursday, 20 April 2023
Joint Committee on the Irish Language, the Gaeltacht and the Irish Speaking Community
Leithdháileadh Airgid ar an nGaeilge agus ar an nGaeltacht agus Buiséad TG4: An tAire Turasóireachta, Cultúir, Ealaíon, Gaeltachta, Spóirt agus Meán
Éamon Ó Cuív (Galway West, Fianna Fail)
Link to this: Individually | In context | Oireachtas source
Gabhaim buíochas as an gcur i láthair. Tosóidh mé le cúrsaí na meán i dtosach báire. Admhaím go bhfuil an soláthar atá an tAire ag déanamh do TG4 feabhsaithe go mór ó tháinig sí mar Aire. An bhfuil sé sásúil? Sin ceist eile. B’fhéidir go bhféadfadh sí an cheist seo a fhreagairt. De réir mar a thuigim, tagann airgead an cheadúnais ar fad isteach sa Státchiste agus ansin dáiltear amach é. Téann cuid chuig an BCI – nó an BAI nó cibé leagan atá air sin anois - ach an chuid eile téann sé go RTÉ. Cé mhéad airgid a thugtar go RTÉ go díreach i bhfoirm airgead ceadúnais in aghaidh na bliana le hais, mar shampla, an airgid a chuirtear ar fáil on Státchiste le haghaidh TG4?