Ms Eibhlín Ní Scannláin:

Is i lár próisis chomhairliúcháin atáimid. Táimid i lár próisis fhorbartha ar churaclam na Gaeilge ag leibhéal na sraithe sinsearaí don ardteistiméireacht freisin. Arís, táim cinnte go mbeidh rannpháirtithe ag cur a dtuairimí in iúl maidir leis na bearta éagsúla atá leagtha amach sa pholasaí don oideachas Gaeltachta agus maidir leis na pointí bónais atá luaite ag an Teachta. Tá sé tábhachtach a lua go mbaineann pointí bónais agus a leithéid seo, atá nasctha le cúrsaí CAO, leis an Roinn Breisoideachais agus Ardoideachais, Taighde, Nuálaíochta agus Eolaíochta. Is ceist í sin nach féidir a phlé i ndáiríre ag an bpointe seo mar nach bhfuil doiciméid dheireadh againn mar gheall ar an bpointe ag a bhfuilimid sa phróiseas comhairliúcháin féin.