Mr. Fergus Breathnach:

Tá agus tá cúigear de na daoine ag freastal nó tar éis iarratas a chur isteach chun dul go dtí Inis Meáin. Cé hiad na páistí, i dtuairim an choiste, atá sásta rogha mar sin a ghlacadh in aon cheantar sa tír seo? Tá cúigear páiste i mBaile Munna sásta dul ann. Cheap mise go raibh ceathrar mar bhí mé ag labhairt leis an Uasal de Barra ar an bhfón i rith na seachtaine agus le cailín atá tar éis na hardteistiméireachta a dhéanamh ar Inis Meáin agus dúirt sise nach raibh ceathrar ag dul go hInis Meáin ach go raibh cúigear mar go raibh buachaill darb ainm Cormac ag dul anois. Tá siad go léir ag iarraidh dul ann agus beidh siad imithe ar feadh bliana, ach tá siad fós sásta é sin a dhéanamh, is é sin ar son na Gaeilge a fhoghlaim.