Éamon Ó Cuív (Galway West, Fianna Fail)
Link to this: Individually | In context | Oireachtas source

Faraor arís níl siad le feiceáil so is "Eamon O Cuiv" atá orm inniu agus cuireann duine an síneadh fada ar an "u" agus is "Éamon Ó Cúiv" a bheadh ansin ach bíodh sin mar atá sé. Tá fadhb eile ann atá coitianta. Tá sé in go leor foirmeacha Stáit agus comhlachtaí agus éilíonn siad rud atá mínádúrtha go hiomlán sa Ghaeilge ná "Mr., Mrs. agus Ms" agus ní géillim ach oiread don "Uasal" seo mar níl duine ar bith againn uasal. Ní bhfuaireamar teideal "Uasal" riamh agus mar a deir siad i gcónaí sa Ghaeilge "Ní bhíonn uasal ná íseal ach thuas seal agus thíos seal" agus níor mhaith liom go dtabharfaí "Uasal" orm mar b'fhéidir go mbeidh mé thíos seal ar ball. An t-ainm atá orm ná "Éamon Ó Cuív" agus ní thuigim ó thalamh an domhain cén fáth nach nglactar leis go bhféadfadh daoine díreach a n-ainm a úsáid agus gan go mór mór teideal Béarla a úsáid. An bhfuil an cheist sin tógtha ag an coimisinéir leis an Roinn?

Aontaím leis an gcoimisinéir nach bhfuil réiteach air seo ach Acht na dTeangacha Oifigiúla leasaithe. Caithfidh mé a rá go bhfuil an-díomá uilig orm nach bhfuil an Bille foilsithe. Is fada muid ag caint air. Tá sé beagnach bliain ónar chuir muidne an tuarascáil ar aghaidh i mí Iúil b'fhéidir-----