Oireachtas Joint and Select Committees
Tuesday, 11 July 2017
Joint Standing Committee on the Irish Language, the Gaeltacht and the Islands
Ceanncheathrú Fhoras na Gaeilge: Díospóireacht
6:05 pm
Catherine Connolly (Galway West, Independent)
Link to this: Individually | In context | Oireachtas source
Tuigim go raibh freagrachtaí ar na finnéithe. Ní dóigh liom go raibh comhairle chuí idir Oifig na nOibreacha Poiblí agus Foras na Gaeilge. Ní raibh Oifig na nOibreacha Poiblí bainteach, beag ná mór, leis an bhfoirgneamh nua. Ní dheachaigh siad ann. Níor bhreathnaigh siad air. Níl mé ag cur an locht ar na finnéithe. Tá mé ag iarraidh rud a fháil amach. Tá Oifig na nOibreacha Poiblí anseo. Tá sé ráite acu go soiléir go bhfuil siad chun caoi a chur ar an bhfoirgneamh atá ann i gCearnóg Mhuirfean agus go raibh ar Fhoras na Gaeilge bogadh amach as mar níl caoi ná cóir air. Más rud é go raibh Foras na Gaeilge in ann fanacht ann, dúirt Oifig na nOibreacha Poiblí go mbeadh ardú cíosa ann ar aon nós. An bhfuil sé sin ceart?