Mr. Cormac McCashin:

Is as Ráth Chairn í príomhoide Ghaelscoil na Mí ach, má smaoiníonn tú faoin rud a bhí ag tarlú i gCill Dhéagláin go stairiúil, bhí tú ar imeall Bhaile Átha Cliath agus ní raibh aon Ghaelcholáiste ann. Bhí na tuismitheoirí ag taisteal go Baile Átha Cliath. B'fhéidir go raibh siad ag obair i mBaile Átha Cliath. Fiú má tá tú sásta an taisteal a dhéanamh, ní féidir leat dul go Baile Átha Cliath anois mar tá na Gaelcholáistí ansin lán. Tá gach rud atá ag teastáil againn. Tá an béalghrá ar fad againn ón Rialtas. Is é an rud nach bhfuil againn ná gníomh. Táimid réidh le dul. Tá na huimhreacha againn agus tá an cás láidir. Tá seasamh oifigiúil an Stáit, na polasaithe agus chuile shórt ansin ag rá gur cheart go mbeadh Gaelcholáiste againn in oirdheisceart na Mí. Níl ann ach an gníomh a thógáil. Níl ann ach cinneadh an Aire nó tacaíocht na Roinne le go dtarlódh sé ach nílimid ag fáil é sin.