Ms Niamh U? Chl?irigh:

Agus mé ag éisteacht le gach duine eile a chuaigh romham, aontaím le gach rud a dúradh ansin. Ó thaobh na meánscoileanna atá ann faoi láthair sa Tulach Mhór, tá siad ag cur síneadh anois leis an meánscoil do na buachaillí. Tá scoil breá nua i gCill Beagáin amach an mbóthair agus tá scoil sa Mhuileann gCearr ag fáil síneadh freisin. Ar smaoinigh an Roinn in aon chor ar Ghaelcholáiste a bhunú in ionad síneadh a chur leis na scoileanna Béarla? Arís, mar a dúirt Carmel Nic Airt, níl rogha anois maidir le creideamh nó le héiteas ach an oiread. Tá na daltaí go léir ag dul chuig scoileanna le creideamh iontu. Níl aon straitéis ann. Níl aon pholasaí ann agus tá ceann ag teastáil go géar.