Ruairí Ó Murchú (Louth, Sinn Fein) | Oireachtas source

Cuirim fáilte roimh na finnéithe. Tá fadhb ann. Níl go leor bunscoileanna, Gaelscoileanna, Gaelcholáistí ná naíonraí ann. Tá fadhbanna againn maidir leis an supply chain. Tá cuid mhór fadhbanna ann maidir leis an gcóras i leith na n-aonad. Níl sé sin ag obair. Is féidir linn caint faoi Ghaelcholáiste Dhún Dealgan. Tá baint mhór ag an bhForas Pátrúnachta leis seo. Tá ceist agam. Cad é tuairim an fhorais maidir le scoileanna satailíte? An córas maith é seo? An oibríonn sé? Níl plean ag an Roinn i leith daltaí ag dul ón naíonra ar aghaidh chuig an nGaelcholáiste agus, ina dhiaidh sin, go dtí an tríú leibhéal. Tá cuid mhór le déanamh. Nílim cinnte go bhfuil na freagraí againn ná go bhfuil duine ar bith ag cur na ceiste, is é sin, cad a chaithfimid a dhéanamh? Tá córas againn agus níl sé ag obair. Táim ag lorg freagraí ó na finnéithe.